#認識我們的...模範童軍九龍第67旅 陳嘉慧
採訪：C-ki LAU
嘉慧，參加童軍可以學到些什麼學校或書本上學不到的?
答: 參加童軍令到我自己勇敢左，會主動踏出自己嘅安舒區。以前佢係一個好怕事嘅人，但係參加咗童軍之後令到我會努力去嘗試參加唔同嘅活動，甚至做帶領者嘅角色。喺童軍活動中，好多生活小技能都係一啲書本上學唔到嘅嘢，兒童童軍對我最大得着就係對人對事，參加童軍運動後，令到我調整左心態，會正面去面對唔同嘅問題。
模範童軍是什麼?
答: 我參選嘅時候都不太清楚模範童軍究竟係一樣乜嘢嘅嘢。到正式成為模範童軍之後，我覺得會係一個榜樣，喺旅團到要擔起一個「大姐姐」嘅角色。
當初是誰鼓勵你參選?
答: 當初參選嘅時候係因為係大會操嘅時候見到模範童軍，好好奇究竟乜嘢係模範童軍？ 之後就膽粗粗咁向領袖講咗一句我都想參選！ 之後啲領袖都好愕然，但係佢哋好鼓勵我去參加，一直係我參加嘅期間同我一齊準備。
參選模範童軍的過程是怎樣的？
答: 參加模範童軍嘅過程係好緊張，因為參選嘅過程唔係一日半日嘅事，用咗接近半年嘅時間，雖然我喺果斷時間都係平常心咁去準備，始終都係抱住一個參加去挑戰自己同埋認識朋友嘅心態，但係慢慢準備嘅時候開始覺得自己嘅自信心高咗好多，好想去做好呢一件事。參選嘅過程經歷咗一日camp day 同埋一次interview。仲有記得camp day嗰一日好緊張，好怕冇盡力發揮自己，但係嗰日識到好多新朋友，比期望嘅得到更多。總括來講成個參選嘅時間都係好開心，比預期發揮得更好。而且好多謝身邊唔同嘅人一直支持我去完成成個過程。
可否分享一下參選時有什麼特別經驗/體驗?
答: 參選嗰日朝頭早因為超級緊張，加上嗰日好早起身前一晚都有啲緊張令到睡眠質素唔好。參選嗰日見到好多唔同參加者嘅身上都有唔同嘅獎章，我哋一開始都好擔心自己能力。
" 參選的目的唔係為咗勝負，而係為了挑戰自己，把參選的機會當作認識新朋友，喺唔同參選階段嘅時候都感恩自己能夠去到嗰個階段，越過多次嘅挑戰，最後成功挑戰自己! "
晉升到另一個支部後會再參加嗎?
答: 如果有機會的話，會再參加。
你會鼓勵其他成員參選模範童軍嗎?
答: 我會鼓勵其他成員參選，上年已經鼓勵了一位小隊成員參選，但因疫情關係持續未知何時再有童軍活動。
可以分享參選心得嗎？
答: 參選的目的唔係為咗勝負，而係為了挑戰自己，把參選的機會當作認識新朋友，喺唔同參選階段嘅時候都感恩自己能夠去到嗰個階段，越過多次嘅挑戰，最後成功挑戰自己!
將來想成為領袖嗎？
答: 將來如果有機會的話都想成為一個領袖，把自己嘅心得傳給新血，亦希望教授佢哋唔同嘅童軍技能。
非常感謝九龍第67旅陳嘉慧這次接受我們的訪問。
